Շառլ Բոդլեր ԱԼԲԱՏՐՈՍ Որպես պարապ զվարճանք , նավաստիները հաճախ Ալբատրոսներ են որսում ՝ մեծ թռչուններ ծովային , Որոնք որպես ուղեկից , միշտ հետևում են անվախ Հորձանքներով կատաղի առաջ սահող նավերին : Բայց հենց դնում են նրանց շոգենավի տախտակին , Այս լազուրի արքաներն ՝ անճարակ ու ամոթխած , Խղճուկ հակում են իրենց ճերմակ թևերն ահագին , Ինչպես երկար թիակներ ՝ նավակողից կախ ընկած : Ուղևորն այս թևավոր ի՜նչ ձախորդ է ու նկուն . Չքնաղ էր նա քիչ առաջ , բայց ի՜նչ տձև է հիմա ,