ՍԵՐ ՄԸ ԳԱՂՏՆԻ Սեր մը գաղտնի՝ դանդաղորեն հասունցած. Իրար գրկող նայվածքներով խուսափուկ, Եվ շեշտերով, մրմունջներու մեջտեղ ցած, Որ ակամա բացվող դուռներ են ծածուկ, Սիրտե ի սիրտ գացող ճամփան կը հորդի, Մերթ արևով, մերթ ամպերով կը մթնե. Ինչ փույթ սակայն, եթե վայրկյանը արդի, Մեզ նվաղիլ, մեռնիլ կուտա հուզումե…: Եվ տենչանքներ շյուղերու պես կը ծլին, Կանաչ այնպես, այնպես անձայն, աննշմար, Սիրտե ի սիրտ գացող ճամփուն մեջ լռին…: