ՀԻՇՈՒ՞Մ ԵՔ.... Երան՛ի վերադառնար մանկությո՛ւնն իմ ոսկեծամ... Շատ շատերիս մոտ ամենաջերմ հուշեր արթնացնող այս պատկերները ինձ ստիպեցին հիշողության թեւվերին կառչած հետընթաց սավառնել դեպի անհոգ ,խինդ ու ուրախությամբ լեցուն մանկությանս լուսավոր աշխարհը: Մանկություն…մեր կյանքի այն միակ ժամանակաշրջանը, որը հիշելիս բոլորիս դեմքին ժպիտ է հայտնվում: Մանկությունը մի թռչուն է,որը սրտից բխող զգայական թելով կապում է մեր միտքը սնուցող հուզաշխարհը այն արտաքին միջավայրի հետ,որի գրկում հասակ առանք...