Հայաստանի վիճակն այսօր զբաղեցնում է ոչ միայն հայերին,այլեւ օտարներին:Հայկական հարցը նորից վիճաբանությունների առարկա է դարձել,կլանել է հայ հասարակության բոլոր խավերի լարված ուշադրությունը,միաժամանակ քննության առարկա է դարձել օտար, մանավանդ ռուս մամուլի մեջ:Այդ հարցի այս կամ այն լուծման ծանր տարակուսանքներով եւ ոսկե երազներով սերունդներ են կրթվել,այդ հարցի շուրջը պտտվող գրականությամբ սնվել են սերունդներ:Հայության համար մի ցավոտ ցնորք է դարձել այդ «Հայաստանը»,մի ավետյաց երկիր,դյութական մի անուն: