Զվարթնոց (Առապարի Սուրբ Գրիգոր,Երկնավոր Զվարթնոց, Վաղարշապատի Սուրբ Գրիգոր),տաճար,եկեղեցի Մեծ Հայքի Այրարատ աշխարհի Արագածոտն գավառում։Ավերակները պահպանվել են Վաղարշապատ քաղաքի արևելյան կողմում,Երևան-Վաղարշապատ ճանապարհից ձախ։ Տաճարը կառուցվել է Հայոց Ներսես Գ Տայեցի (641-661)կաթողիկոսի հանձնարարությամբ։ Գլխավոր ճարտարապետը եղել է Հոհանը։ Մասնագետների մեծ մասի կարծիքով, տաճարի շինարարություն սկսվել է 643 թվականին, ավարտվել՝652 թվականին։Կառուցման մասին հիշատակում են միջնադարյան հայ պատմիչները։