Սաղմոս 120։1-7 Աստիճանների երգ։ 1Իմ նեղութիւնումը դէպի Տէրը կանչեցի. եւ նա լսեց ինձ: 2 Տէր, փրկիր իմ անձը սուտ շրթունքներիցը՝ նենգաւոր լեզուիցը: 3 Ի՞նչ կ’տայ քեզ, եւ էլ ի՞նչ կ’աւելացնէ քեզ, ով նենգաւոր լեզու: 4 Զօրաւոր մարդի նետերը սուր են՝ գիհիների կայծերով սրուած: 5 Վա՜յ ինձ որ պանդուխտ եմ Մեսեքի մէջ. ես բնակվում եմ Կեդարի վրաններումը: 6 Շատ երկարացաւ իմ անձի համար նորանց հետ բնակուիլ, որ ատում են խաղաղութիւնը: 7 Ես խաղաղութեան մարդ եմ. բայց երբոր խօսում եմ, նորանք կռիւ են անում: